स्टकहोममा घुम्ती सेवा उपलब्ध गराउने सम्बन्धी सूचना !

नेपाली राजदूतावास, कोपेनहेगनले यस दूतावासको कार्यक्षेत्रमा रहेका नेपालीहरूलाई सकभर सोही मुलुकमा गई राहदानी लगायतका सेवा प्रदान गर्ने योजना बनाए अनुरूप यही ०९ मेई २०२६ तारिखका दिन स्वीडेनको स्टकहोममा विद्युतीय राहदानी आवेदन दिने गरी सेवा उपलब्ध गराउने भएकोले आवश्यकता अनुसार सेवा लिनु हुन सूचित गरिन्छ ।

मितिः ०९ मे २०२६, समयः बिहान ९:०० देखि बेलुका १८ बजेसम्म

सेवाः विद्युतीय राहदानी आवेदन (ePassport application) (अन्य सेवा चाहिएमा दूतावासमा सम्पर्क गर्नु होला )

कार्यक्रम स्थलः Backstugan i Vålberga,175 69 Järfälla, Sweden

यस दूतावासका लागि सम्पर्क व्यक्तिः

सावित्रा ओली

नियोग उप-प्रमुख

सम्पर्क नम्बरः+4553266563

स्वीडेनका लागि सम्पर्क व्यक्तिहरुः

गैर आवासीय नेपाली संघ स्वीडेनका अध्यक्ष राजेन्द्र तामांग: +46734981675

महासचिब Reena Dhakal – 076 449 80 81

राहदानी आवेदन दिने तरीका

घुम्ती सेवा अन्तर्गत राहदानी आवेदन दिनका लागि निम्न प्रक्रिया अपनाउनु होला ।

दूतावासको वेब पेजमा दिइए अनुसार राहदानीका लागि अनलाइन आवेदन फाराम भर्नुहोस् । फाराम भर्दा आवेदन दिने स्थान स्टोकहोम उपलब्ध हुने छैन त्यस कारण NE, Copenhagen छनौट गर्नुहोस् ।

मिति निम्न अनुसार छनौट गर्नु होसः

०९ मे २०२६ को समय छनौट गरी उक्त मितिमा आफूलाई अनुकूल हुने समय बिहान ९:०० देखि बेलुका १८ बजेसम्म कुनै छनौट गर्नु होस ।

पुनश्चः फाराम भर्दा माथिका दुबै समय उपलब्ध नभएमा क्रमशः समय थप गरिदैं जाने भएकोले पुनः प्रयास गर्नु हुन र अन्य दिनको समयमा फाराम नभर्नू हुन दूतावास अनुरोध गर्दछ । यदी अन्य दिनको फाराम भरी सक्नु भएको छ भने समय लिएर आउने आवेदकको आवेदन सकिए पछि आवेदन लिइने व्यवस्था हुने छ । तसर्थः दोहोरो पर्ने गरी अर्थात् एकै व्यक्तिको दुईपटक फाराम नभर्नू होला । दोहोरो फाराम भर्दा राहदानी अस्वीकृत हुने व्यहोरा समेत जानकारीका लागि अनुरोध छ ।

। फाराम भर्ने तरिकाका लागी दूतावासको वेवपेजमा हेर्नु होला ।

याद गर्नुहोसः सेवाग्राहीको चापका कारण छिटो सेवा दिनु पर्ने भएकोले राहदानी आवेदन दिने समयमा सच्याउन कठिन हुनेछ । साथै, राहदानी आवेदन दिई सके पश्चात् राहदानी तयार हुने र उक्त राहदानीमा त्रुटि हुन गएमा पुनः राजस्व तिरी राहदानी बनाउनु पर्ने भएकोले राहदानी आवेदन फाराम भर्दा ध्यान पूर्वक भर्नु होला । साथै, आवश्यक सबै कागजात उच्च गुणस्तरमा अपलोड गर्नु होला ।

राहदानी आवेदन पुरा भए पछि तपाइले फाराम डाउनलोड गर्नु होस् ।डाउनलोड गरेको फाराम (छेउमा बारकोड सहितको) रुजू (verification) गर्नका लागि दूतावासको इमेल eoncopenhagen@gmail.com मा पठाउनु होस् ।

याद गर्नुहोस्: फाराम रुजू दूतावासबाट मात्र हुन सक्ने भएकोले सो नभएसम्म आवेदन दिन सकिँदैन । तसर्थ, इमेलमा फाराम पठाए पछि फाराम रुजू गरेको सुनिश्चित गर्नु होला । सामान्यतः फाराम पठाएको २ कार्य दिन भित्र इमेल मार्फत रुजू गरेको जानकारी आउने छ। सो अवधि सम्ममा जानकारी नआएमा दूतावासको फोन नम्बरमा कार्यालय समयमा फोन मार्फत सम्पर्क गर्नु होला ।

फाराम रुजू भएको सूचना प्राप्त भए पछि बैङ्क मार्फत राजस्व पठाउनु होस र सो को विवरण इमेल मार्फत पठाउनुहोस् । राजस्व सम्बन्धी जानकारीका लागि दूतावासको वेवपेजमा हेर्नुहोला । राजस्व transfer हुन १-२ दिन लाग्ने भएकोले ०५ मे २०२६ भित्रमा अनिवार्य राजस्व पठाउनु होला । तपाइँले राजस्व पठाए तापनि दूतावासको खातामा रकम जम्मा नभएसम्म सेवा उपलब्ध हुने छैन। तसर्थ, समयमै राजस्व पठाउनु हुन अनुरोध छ ।

राजस्व रकम पठाउने खाताको विवरणः

Name of Beneficiary: Embassy of Nepal, Copenhagen

Bank: Danske Bank

Reg. No.: 4001

Account No.: 3204374848

IBAN: DK9530003204374848

BIC/SWIFT: DABADKKK

राजस्व प्राप्त भए पश्चात् दूतावासबाट २ कार्य दिन भित्र आम्दानी रसिद ईमेल मार्फत उपलब्ध गराइने छ। यदी २ कार्य दिन भित्र इमेल मार्फत प्राप्त नभएमा टेलिफोन मार्फत सम्पर्क गर्नुहोला ।

राहदानी आवेदन फारामको सकभर छापिएको र सो हुन नसकेमा डिजिटल प्रति १ र राजस्व तिरेको रसिदको १ प्रति तथा अन्य आवश्यक कागजात सहित आफूले छनौट गरेको समयमा उल्लिखित स्थानमा आवेदक स्वयं (नाबालिगको हकमा अभिभावक समेत) उपस्थित हुन होस् । राहदानी सेवा सम्बन्धी अन्य प्रक्रिया दूतावासमा आवेदन दिँदा गरिने प्रक्रिया सरह हुने छ ।